Matius 8:5 - Kaili Ledo

⁵ Tempo i Yesus nesua ri ngata Kapernaum nakavamo saito balengga ntantara nte Ia. Ia nerapi mpuu-mpuu nte i Yesus,

Matius 8:5 Referans Kwoze

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Suro-Suro 27:43

Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.

Suro-Suro 27:31

Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 23:17

Naupu nangepe tesa nu pinoanana, i Paulus nompokio saito balengga ntantara bo nanguli ka ia, “Keni kabilasa hitu hau ri ngayo nu tadulako. Naria anu ratesana ka ia.”

Matius 4:13

Nakava ri bagia Galilea nolinjamo Ia lako ri ngata Nazaret hau nonturo ri ngata Kapernaum ri bivi Rano Galilea ri tana muli i Zebulon bo i Naftali.

Suro-Suro 27:13

Tempona haitu, nompamula naole-olemo poiri neburu lako ri puluna. Haitu sampe nisarumaka nu anabua kapala da mamala kami mapola hau ri pesampo Feniks. Jadi nianggatakaramo talonto kapala, bo kapala nolipa nomparinjoso ri talinti levuto Kreta.

Suro-Suro 23:23

Naupu haitu, tadulako nompokio randua tantarana, bo nanguli ka ira, “Pakasadiamo roatu tantara biasa bo pitupulu tantara mesavi jara, bo roatu tantara motavala. Bongina hitu tinti sasio, komiu kana malai lako ri sii hau ri ngata Kaisarea.

Suro-Suro 22:25

Tapi tempo i Paulus nipou racambu, niulikana balengga ntantara anu neangga ri sia, “Berimba? Masipato todea nu Magau Mbaso Roma racambu dopame ratangara?”

Markus 15:39

Naria balengga ntantara neangga ri ngayo kayu salib i Yesus. Tempo niepena pongare i Yesus bo nikitana kamateNa ivehaitu, nangulimo ia, <>

Markus 2:1

Bara sako-eo kaliuna haitu, nesua vaimo i Yesus ri ngata Kapernaum. Bo natolele karebana Ia naria ri banuaNa.

Matius 9:1

Naupu haitu nesavi sakayamo i Yesus ante anaguruNa nanjili hau ri sambote rano, sampe nakava ri ngata niponturora.

Matius 11:23

Heh, komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa! Apa ane rapana kabaraka-kabaraka nipoviaKu ri ngatamiu Kupovia ri ngata Sodom anu nadaa mpuu, natantu ngata haitu ledo rapakaropu nu Alatala bo ngata haitu batena maria sampe sii-sii.

Suro-Suro 9:38

Topangoseaka i Yesus ri ngata Yope nangepe i Petrus naria ri ngata Lida. Bo ngata Yope ledo nakavao lako ri ngata Lida pangane. Sia sampe nitudura randua tona hau manguli petevai ka i Petrus ivei: “Kamai masalisa tumai ri ngata Yope.”