Matius 8:22 - Kaili Ledo

²² Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Matius 8:22 Referans Kwoze

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Kolose 2:13

Bara ipia dopame komiu nomparasaya i Kristus, komiu nireke namate sabana komiu nadosa bo ledo nangoseaka atura-atura nu Alatala. Tapi sii-sii, Alatala nompakatuvu komiu nosanggani-nggani nte i Kristus, bo pura-pura dosamiu niampungiNamo.

Efesus 5:14

Bo pura-pura anu rapakalanto ivesia, mabali majadi mareme. Haitumo batuana tesa niuli ivei: “Pembangumo komiu anu namonjo. Pembangumo lako ri tatanga ntomate, Bo reme i Kristus mombavanta komiu.”

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

Efesus 2:1

Sampesuvu-sampesuvu, dopame komiu nomparasaya i Kristus, komiu nireke namate sabana komiu batena nadosa bo nombaliunaka parenta-parenta nu Alatala.

1 Timotius 5:6

Tapi timbala anu natuvu aga nompesana-sana, ia mpo tomate, nau karona da natuvu.

Yohanes 1:43

Eo kamailena i Yesus nonia hau ri bagia Galilea. Ia nompotomu i Filipus, bo niulikaNa, “Kaimo, oseakamo Yaku.”

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Matius 8:21

Naupu haitu nanguli saitopa topangoseaka Ia, “Pue, paloga ntanimo ruru yaku manjili nte tuamaku. Mamate tuamaku pade tumai yaku mangoseaka Komiu.”

Markus 2:14

Naupu haitu, tempo i Yesus noliu ri ngata haitu, nikitaNa saito topesingara balasitee nosanga i Lewi, ana i Alfeus, nonturo ri kantoro ntopesingara balasitee. Nanguli i Yesus ka i Lewi, <> Kaliu-liu neangga i Lewi bo hau nangoseaka i Yesus.

Lukas 9:59

I Yesus nanguli ka tona ntanina, “Kamaimo, oseakamo Yaku!” Tapi nesana tona haitu, “Guru, paloga ntanimo ruru yaku manjili nte tuamaku. Mamate tuamaku pade tumai yaku mangoseaka Komiu.”

Lukas 9:60

Nesana i Yesus, “Palambakamo tona namate mombatana tona namate. Tapi komiu, koimo hau ri umba-umba mompatolele kareba Poparenta nu Alatala.”

Lukas 15:24

sabana anaku hitu, mamala raulita namatemo, tapi siipa natuvu mpanjilimo. Ia nalipomo, tapi siipa nikava mpanjilimo.’ Jadi nipoviara posusa, bo nadamba-damba.

Yohanes 21:19

Ante jalili haitu i Yesus nompopaisani dala nggamate i Petrus bara maipiapa, anu mompopakita kaoge nu Alatala. Naupu haitu nangulimo i Yesus ka i Petrus, “Nee menonto mangoseaka Yaku!”

Yohanes 21:22

Nesana i Yesus, “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani. Tapi iko, nee menonto mangoseaka Yaku!”