Matius 8:16 - Kaili Ledo

¹⁶ Nanggoviapa, nakavamo tona nte i Yesus, nanggeni roara anu nipesua seta. I Yesus nompopalai seta-seta haitu ante sambela tesa. Bo nipakabeloNa muni pura-pura tona nadua.

Matius 8:16 Referans Kwoze

Lukas 4:40

Nasolo eo, nadeamo tona nanggeni roara nadua mpengaya ka i Yesus. Jadi i Yesus nombadika paleNa ri karo ntona saito-saito, bo nompakabelo ira.

Matius 14:14

Tempo i Yesus nanau lako ri sakaya, nikitaNa nadea mpuu tona nompopea Ia. Naasi mpuumo mataNa nanggita ira, bo nipakabeloNamo tona nadua.

Suro-Suro 5:15

Nanggita kabaraka-kabaraka nipovia nu suro-suro, nadea tona nadua nikeni ante paturu bara ante ompa bo nituu ri dala. Apa nisarumakara ane moliu i Petrus ngena, nau aga vayona mambela sakide, mabelomo ira.

Markus 5:8

Niulina ivesia sabana lave nitudu i Yesus mamimo seta haitu ivei: <>

Matius 12:22

Naupu haitu naria saito tona nikeni hau nte i Yesus. Tona haitu naburo bo nabobo sabana ia nipesua nu seta. I Yesus nompopalai seta lako ri tona haitu sampe ia namalamo notesa bo nekita.

Markus 2:3

Tempo haitu nakavamo ampa tona nombakova roara napunggu.

Matius 9:2

Hamai naria bara sako-ndua tona nombakova roara hau nte i Yesus. Roara haitu napunggu bo naturu ri ompa paturuna. Nanggita karoso nu pomparasayara, nangulimo i Yesus ka topunggu haitu, “AnaKu, pakaroso raramu. Dosamu niampungimo.”

Markus 9:25

I Yesus nanggita kasae-sae nantambaimo kadea ntona netagui, jadi nisalarakaNamo seta ante suara namangga ivei: <>

Matius 8:33

Sampanggita kajadia haitu, nangova nalaimo topojaga bavu hau riara ngata. Bo nitesara pura anu najadi nte bavura bo nte tona randua anu nipesua nu seta pangane.

Matius 8:15

Jadi i Yesus nanggangisi pale nu mombine haitu bo kaliu-liu nabelomo ia. Naupu haitu nembangumo mombine haitu mombakadambanaka ira.

Lukas 4:41

NipopalaiNa muni seta lako ri tona nipesua nu seta. Seta-seta haitu nesuvu bo nongare-ngare, “Komiu Ana nu Alatala!” Tapi i Yesus nangulika seta-seta haitu, “Kalino!” Ledo nidekeiNa ira notesa, sabana nisanira Iamo Magau Topepakasalama anu nijanji nu Alatala.

Lukas 13:12

Tempo i Yesus nanggita mombine haitu, nipokioNa bo niulikaNa, “Ina, mabelomo komiu.”