Matius 8:14 - Kaili Ledo

¹⁴ Naupu sia i Yesus hau ri banua i Petrus. Hamai nikitaNa matua i Petrus mombine aga naturu sabana nakokora.

Matius 8:14 Referans Kwoze

1 Korintus 9:5

Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Matius 8:15

Jadi i Yesus nanggangisi pale nu mombine haitu bo kaliu-liu nabelomo ia. Naupu haitu nembangumo mombine haitu mombakadambanaka ira.