Matius 6:5 - Kaili Ledo

⁵ “Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.

Matius 6:5 Referans Kwoze

Matius 6:2

Rapana ane komiu mombadekei petulungi ka tona napakasi, nee rapatolele poviamiu haitu eva povia ntona anu aga nabelo ri sumba. Ira nombadekei ka tona napakasi ri ngayo ntodea riara banua-banua petupu bo ri dala riara ngata ala rakita bo ratoiya ntona. Pariaramo tesaKu hitu! Petoiya ntona haitumo tambo nitarimara. Domo ria ntanina.

Lukas 18:13

Tapi topesingara balasitee haitu neangga nakavao nosambaya. Ledo nabia ia nantingoa ri langi. Ia nanjoso rara bo nosapa-sapa bambarana bo nanguli, ‘Alatala, poasimo yaku, apa yaku tona nadosa.’ ”

Markus 11:25

Bo ane komiu mosambaya, ampungi ntani tona novia sala nte komiu, ala komiu muni raampungi nTuamamiu ri suruga.

Lukas 20:47

Nibagiura timbala-timbala ala raalasira banua ntimbala haitu. Bo nitabuniakara pokainggura nadaa ante nosambaya pakandoe. Natantu mantamo mpuu pehuku ka ira ngena!”

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Lukas 11:43

Mandasa mpuu komiu toFarisi! Nipokonomiu nonturo ri ponturo nabelo ri banua petupu, bo nipokonomiu muni rabila ntona ri potomu.

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

1 Tesalonika 5:17

Nee masau rara mosambaya.

Yohanes 16:24

Nau komiu topangoseaka Yaku, sampe sii-sii komiu dopa nomperapi nuapa-nuapa. Jadi perapimo bo radekei ka komiu ala raramiu mpuu-mpuu madamba!”

Markus 12:38

Tempo i Yesus da nompaguru, niulikaNa todea, <

Matius 9:38

Jadi perapimo nte Alatala tupu ntalua, ala ratuduNa tona hau mokato ri taluaNa.”

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 23:6

Nipokonora nonturo ri ponturo tobelona ri posusa bo ponturo nibila ri banua petupu.

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 6:1

“Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!

Lukas 6:24

Mandasa mpuu komiu anu nakalumana sii-sii, sabana nikavamiu puramo anu nompakasana raramiu.