Matius 6:30 - Kaili Ledo

³⁰ Jadi ane Alatala nompakagaya bunga-bunga ranggavoko anu aga natuvu sampalai bo maile rapalabusi, nemopa komiu! Natantu Ia mombadekei ka komiu pakea niparaluumiu. Nakura mpuu pomparasayamiu!

Matius 6:30 Referans Kwoze

Lukas 12:28

Jadi ane Alatala nompakagaya bunga-bunga ranggavoko anu aga natuvu sampalai bo rapalabusimo, nemopa komiu! Natantu Ia mombadekei pakea niparaluumiu! Nakura mpuu pomparasayamiu!

Matius 14:31

Jadi kaliu-liu niodo i Yesus paleNa mombasaka i Petrus. Bo niuliNa ka i Petrus, “Nakura mpuu pomparasayamu! Nakuya iko nolengga-lengga?”

1 Petrus 1:24

Riara Buku Gasa nitulisi ivei: “Katuvu manusia pura-pura nasimbayu mpo kavoko, bo pura-pura kuasa bo kagayana mpo sese nggavoko. Kavoko haitu nalele bo sesena naronto.

Matius 16:8

Tapi nisani i Yesus anu nitesara. Haitu sampe niuliNa ka ira, “Nakuya komiu aga notesa roti ledo naria? Nakura mpuu pomparasayamiu!

Matius 8:26

Nangulimo i Yesus ka ira, “Nakuya komiu naeka? Nakura mpuu pomparasayamiu!” Naupu haitu neangga Ia nombatudu poiri bo balumba mbaso metaa. Bo kaliu-liu netaa mpuumo poiri bo nalinomo uve.

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

Markus 4:40

Nangulimo i Yesus ka anaguruNa, <>

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

Lukas 9:41

Nangepe haitu, nangulimo i Yesus ka ira, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani nte komiu bo mosabara nte komiu pade raparasayamiu?” Pade nituduNa tuama nu ngana nadua haitu, “Keni tumai anamu!”

Markus 9:19

Jadi nanguli i Yesus ka ira, <>

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”