Matius 6:19 - Kaili Ledo

¹⁹ “Nee mompasiromu kakalumana dunia ka karomiu mboto. Apa kakalumana dunia namala rakande nu ane atau tagara, bo rapangangga ntona.

Matius 6:19 Referans Kwoze

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

Lukas 12:21

Kaupu tesa haitu i Yesus nanguli, “Ivesiamo majadi nte tona nompasimbuku nompasiromu kakalumana ka karona mboto, tapi katuvuna napakasi ri panggita nu Alatala.”

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 18:24

Nisani i Yesus nasusa rara ntona haitu. Sia sampe niuliNa, “Nakaja mpuu tona nakalumana matundu nte Alatala bo majadi todeaNa.

Matius 19:21

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Matius 6:20

Agina mompasiromu kakalumana ri suruga apa hamai kakalumana ledo rakande nu ane atau tagara, bo ledo rapangangga ntona.

Lukas 12:39

Pade nanguli munimo i Yesus, “Pariaramo porapa hitu! Ane rasani ntupu banua tinti sakuya topangangga makava, natantumo rajagaina banuana bo ledo rapalambana topangangga mesua rabanua.