Matius 6:1 - Kaili Ledo

¹ “Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

Matius 6:1 Referans Kwoze

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!

Yohanes 12:43

Ira nomparasaya nggalino sabana nipokonorapa ratoiya nu manusia pade ratoiya nu Alatala.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Lukas 16:15

Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Galatia 6:12

Tona nanggeni pepatuduki nasala haitu aga madota mompopakita pangoseakara Atura agama ala ratoiya nu roara toYahudi. Haitumo sabana ira madota mompasuu komiu rasuna. Patujura ala ira ledo rapandasa ntoYahudi. Apa ane rasarumakara i Kristus anu namate ri kayu salib bo domo raoseakara Atura agama, rapandasa ntoYahudimo ira.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

2 Yohanes 1:8

Jadi komiu kana mainga! Nee sampe anu nipatuduki kami ka komiu ledo maria aselena. Pasimbukumo mangoseaka pepatuduki nakana ala rakavamiu pura-pura belo nipakasadia nu Alatala ka komiu.

Markus 8:15

Nangulimo i Yesus ka ira, <>

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 16:6

I Yesus nanguli ka ira, “Pakabelo-belo. Komiu kana mainga nte ragi ntoFarisi bo toSaduki.”

Lukas 12:15

Pade nanguli i Yesus ka todea, “Pakabelo-belo! Nee madamba gaga raramiu ante mbara-mbara, sabana naupa mbara-mbaramiu nadea ledo haitu mompakajadi katuvumiu mabelo.”

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Lukas 11:35

Jadi, pakabelo-belo! Nee sampe pekiri rara ntaita majadi malanda.

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 6:9

Jadi posambaya ivei: Alatala, Tuama kami ri suruga, Aga Komiu masipato rapetupu bo rapakaoge. Komiumo Magau kami.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Ibrani 11:26

Niparasayana Magau Topepakasalama anu nijanji nu Alatala makava bara maipia. Nipekirina nabelopa ia rasalai sabana pomparasayana pade manggava pura-pura kakalumana ri Mesir. Nipekirina ivesia sabana ia bate-batena nanjarumaka belo radekei nu Alatala ka ia bara maipia.

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!