Matius 5:9 - Kaili Ledo

⁹ Nabelo mpuumo tona nompoposinggabelo roa, sabana iamo rauli nu Alatala anaNa.

Matius 5:9 Referans Kwoze

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Roma 12:18

Pasimbukumo matuvu mosinggabelo ante pura-pura tona, sampe ri pompakulemiu.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Roma 8:14

Isema-sema nikeniaka Nosa Gasa nu Alatala, iramo ana-ana nu Alatala.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Kolose 3:13

Nee raboli riara tesa nu roa. Ane maria kodi raramiu, posiampungimo. Ampungimo tona movia sala nte komiu ante mpuu-mpuu raramiu, nasimbayu mpo i Pue nombaampungi dosamiu.

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

Suro-Suro 7:26

Kamailekana, hau vai ia bo nikitana randua toIsrael nosibaga. Ia nompasimbuku mompoposinggabelo ira randua. Nanguli ia, ‘Komiu tu nosampesuvu! Nakuya komiu nosibaga, le?’

Matius 5:45

Ane komiu mokainggu ivehaitu, komiu majadi ana-ana nu Alatala, Tuamamiu ri suruga. Apa nipotoveNa pura-pura tona bo nipopebondaNa mata nu eo ka tona nadaa bo ka tona nabelo. Bo nidekeiNa uda ka tona nanoa bo ka tona natenggo muni.

1 Korintus 6:6

Tapi ledo ivesia nipoviamiu. Komiu aga nosipangadu ntali sampesuvu sampomparasaya bo nanggeni parakara haitu ratangara ntona ledo topomparasaya i Yesus!

Filipi 4:2

Sampesuvuku i Euodia bo sampesuvuku i Sintike, yaku mpuu-mpuu merapi ala komiu mosangu rara anu masipato ka topomparasaya i Pue Yesus.

Lukas 20:36

Ira masimbayu ante malaeka nu Alatala, domo mamate. Ira majadi ana-ana nu Alatala sabana ira nipakatuvu nu Alatala mpanjilimo.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Roma 8:16

Nosa Gasa nosanggani-nggani nte rarata mboto nanguli ka kita, kitamo ana-ana nu Alatala.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.