Matius 5:4 - Kaili Ledo

⁴ Nabelo mpuumo tona nabuku rarana, sabana Alatala mompakavoe rarana.

Matius 5:4 Referans Kwoze

Pompakita 21:4

Ia mbotomo mombapaisi pura-pura uve mata lako ri matara. Domo maria tona mamate, domo maria tona masusa rarara bara motumangi, bo domo maria tona madua. Sabana, dunia nokolu domo naria.”

Lukas 6:21

Nabelo mpuu komiu anu naara sii-sii, sabana komiu rapakabosu. Nabelo mpuu komiu nasusa rara sii-sii, sabana raramiu rapakasana.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Lukas 6:25

Mandasa mpuu komiu anu nabosu sii-sii, sabana komiu maara ngena. Mandasa mpuu komiu anu nadamba sii-sii, sabana komiu masusa bo motumangi ngena.

Lukas 7:50

Tapi i Yesus nanguli ka mombine haitu, “Iko nipakasalama sabana iko nomparasaya Yaku. Panjilimo, damo Alatala mompakatinonto raramu!”

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.