Matius 5:19 - Kaili Ledo

¹⁹ Jadi, isema-sema nombaliunaka nau aga sambela lako ri parenta riara Atura-atura haitu, nau parenta anu nakodi ntoto, bo mompatuduki tona ntanina mombaliunaka muni, ia rareke tona nelabipa kakodina riara Poparenta nu Alatala. Tapi isema-sema nangoseaka Atura-atura haitu bo nipatudukina ka tona ntanina mangoseakana muni, iamo rareke tona nelabi kaogena riara Poparenta nu Alatala.

Matius 5:19 Referans Kwoze

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 11:11

Nanguli munimo i Yesus, “Pariaramo, lako ri pura-pura tona nipoanaka ri dunia hitu ledo naria saitoa naogepa pade i Yohanes Topediu. Tapi nau tona ledo ria nturona ri Poparenta nu Alatala, naogepa ia pade i Yohanes.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

Pompakita 2:20

Tapi da nariapa sangaya pokainggumiu anu ledo ntoto nipodambaKu. Haitumo mombine anu nosanga i Izebel anu nompangaku karona nabi. Komiu nompaloga ia nompatuduki bo nombabagiu topangoseaka Yaku. Ia nompatuduki ira mosipogau ante tona ledo bereira mboto bo mangande kandea nipopali sabana nipakande ka tupu-tupu ntanina.

Roma 6:15

Jadi, ane kita domo nipou Atura agama, tapi nanjarumaka pepotove nu Alatala, berimbamo? Mamala kita batena movia dosa? Ledo ntoto mamala!

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

Roma 6:1

Nau dosa manusia nantambai kadeana, naogepa pepotove nu Alatala. Jadi, berimbamo? Mabelo ane kita batena movia dosa ala mantambai pepotove nu Alatala ka kita?

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

Lukas 11:42

Mandasa mpuu komiu toFarisi! Komiu nombadekei ka Alatala sabagia lako ri sapulu bagia pura-pura asele panggaviamiu, sampe nau rampa-rampa nakodi mpo tumbavani, kula, bo rampa-rampa ntanina. Nabelo poviamiu tutu, tapi parenta anu nantudu kita mokainggu manoa bo mompotove Alatala, ledo nipeilimiu! Tano haitumo parenta nopoko raoseakamiu bo nee muni rakalingasimiu parenta ntanina.

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Roma 3:8

Ane ivesia, tantu rauli ntona: <> Naria mamimo tona nombasalai yaku, nanguli yaku mboto nompatuduki ivesia! Tapi ledo ntoto nakana! Tona nanguli yaku nepatuduki ivesia, iamo masipato rapambela pehuku nu Alatala!

Suro-Suro 1:1

Teopilus nibilaku: Riara bukuku paratama, nitulisiku pura-pura pepatuduki i Pue Yesus bo pura-pura anu nipoviaNa lako ri pantepuuna

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Lukas 1:15

Ia majadi tomaoge ri panggita nu Alatala. Ia ledo manginu anu nepakalangu. Lako ri pompoanakame, ia rakuasai Nosa Gasa nu Alatala.

Matius 20:26

Tapi ledo mamala ivesia ante komiu. Isema-sema komiu madota majadi pakenimiu, ia kana majadi topotulungimiu.

1 Yohanes 3:4

Isema-sema novia dosa, ia muni nombaliunaka parenta nu Alatala, sabana pokaingguna nombaliunaka parenta nu Alatala, haitumo niuli dosa.