Matius 4:9 - Kaili Ledo

⁹ Bo niulina ka Ia, “Pura-pura haitu kudekei ka Komiu ane Komiu mantaputu mombasomba yaku.”

Matius 4:9 Referans Kwoze

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Yohanes 16:11

Bo rapakalantoNa muni Alatala mpuu-mpuu mombahuku manusia, apa nihukuNamo Magau nu Seta anu nombakuasai manusia nadaa ri dunia hitu.

1 Timotius 3:6

Ledo mamala tona dako nomparasya i Kristus majadi pakeni ntopomparasaya, mbelaka malanga rarana bo rapambela pehuku nasimbayu mpo pehuku nipambela ka Magau nu Seta bara ipiame.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.

Matius 26:15

bo nanguli, “Ane kupobalu i Yesus ka komiu, nuapa radekeimiu ka yaku?” Jadi nibilaramo talupulu mpeka doi salaka bo nidekeira ka i Yudas.

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”