Matius 4:13 - Kaili Ledo

¹³ Nakava ri bagia Galilea nolinjamo Ia lako ri ngata Nazaret hau nonturo ri ngata Kapernaum ri bivi Rano Galilea ri tana muli i Zebulon bo i Naftali.

Matius 4:13 Referans Kwoze

Yohanes 4:46

Bo hau vaimo Ia ri ngata Kana ri bagia Galilea, ngata nipompajadiNa uve najadi uve anggur bara ipia. Ri ngata Kapernaum naria saito tomaoge anu nokarajaa ri banua magau, anana langgai nadua ntamo.

Markus 1:21

I Yesus ante topangoseaka-topangoseaka Ia hau ri ngata Kapernaum. Ri eo penonto nesuamo Ia ri banua petupu ntoYahudi bo nompamulamo nompaguru.

Matius 11:23

Heh, komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa! Apa ane rapana kabaraka-kabaraka nipoviaKu ri ngatamiu Kupovia ri ngata Sodom anu nadaa mpuu, natantu ngata haitu ledo rapakaropu nu Alatala bo ngata haitu batena maria sampe sii-sii.

Yohanes 6:59

Pura-pura tesa haitu nitesa i Yesus tempo nipatudukiNa tona riara banua petupu ri ngata Kapernaum.

Yohanes 6:24

Nisani ntodeapa i Yesus domo naria hamai bo domo muni naria ana-anaguruNa, nesavi sakaya munimo ira hau mangelo i Yesus ri ngata Kapernaum.

Yohanes 6:17

Bo nesavi sakayamo ira hau mevote ri ngata Kapernaum. Nabongimo tapi i Yesus dopa nakava nte ira.

Yohanes 2:12

Naupu posusa haitu i Yesus hau ri ngata Kapernaum nosinggani-nggani ante tinaNa bo sampesuvu-sampesuvuNa bo ana-anaguruNa. Bo ira nonturo hamai bara sako-mbongi kasaena.

Matius 17:24

Nakavapa i Yesus bo anaguruNa ri ngata Kapernaum, naria saito topesingara balasitee ka Banua nu Alatala. Ia nanggaparai i Petrus bo nekutana, “Gurumu nombabayari balasitee ka Banua nu Alatala atau ledo?”

Lukas 4:23

Nanguli i Yesus ka ira, “Natantu raulimiu porapa hitu ka Yaku: ‘Dokutoro, pakabelo karomu mboto. Ane Komiu mpuu-mpuu nabi, popakitaMiu muni kabarakaMiu ri ngataMiu mboto mpo anu niepe kami nipoviaMiu ri ngata Kapernaum.’

Matius 4:14

NipoviaNa ivesia ala madupamo tesa nTupu nipasimbayu Nabi Yesaya nggaulu ivei:

Matius 4:15

“Komiu toponturo ri tana muli i Zebulon bo i Naftali, ri dala hau ri rano ri sambote Binangga Yordan! Komiu toponturo ri bagia Galilea, ngata ntona ledo toYahudi!

Matius 9:1

Naupu haitu nesavi sakayamo i Yesus ante anaguruNa nanjili hau ri sambote rano, sampe nakava ri ngata niponturora.

Markus 2:1

Bara sako-eo kaliuna haitu, nesua vaimo i Yesus ri ngata Kapernaum. Bo natolele karebana Ia naria ri banuaNa.

Lukas 10:15

Komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa!”