Matius 3:9 - Kaili Ledo

⁹ Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Matius 3:9 Referans Kwoze

Lukas 3:8

Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 8:33

Nesana pakeni ntoYahudi, “Kami hii muli i Abraham. Dopa sanggania kami nipobatua ntona. Berimba bo niuliMiu kami domo rapobatua?”

Roma 4:1

Jadi pekirimo i Abraham, totua ntoYahudi nggaulu. Berimba sampe ia najadi nanoa ri panggita nu Alatala?

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Lukas 16:24

Nongaremo tokalumana haitu, ‘Tuamaku, Abraham, poasimo yaku! Tudumo i Lazarus mombalome koya mpalena ri uve pade tumai mombabanggasi dilaku, nandasa mpuu yaku ri mata nu apu hitu.’

Yohanes 8:53

Berimbamo? Naogepa Iko pade tuputa i Abraham? Ia bo nabi-nabi nggaulu namate puramo! Isema ntoto Iko sampe Iko nabia notesa ivesia?”

Lukas 5:22

Nisani i Yesus pekiri nu guru agama bo toFarisi haitu. Jadi niulikaNa ira, “Nakuya komiu nompekiri ivesia riara ntaimiu?

Markus 7:21

Apa lako riarana haitumo neumba pekiri-pekiri nadaa, anu nanggeni ia mogau nabuga, mangangga, mepatesi,

Suro-Suro 15:14

I Simon Petrus dako notentei ka kita tove nu Alatala ka tona ledo toYahudi. Lako ri pamulana, Alatala nompekirika ira. PatujuNa, rapelisiNa lako nte ira tona majadi todeaNa.

Lukas 19:40

Tapi nesana i Yesus, “Kuuli ka komiu, ane ledo mokanano ira, natantu vatu-vatu hitu kana mongare mombatoiya Yaku!”

Lukas 7:39

Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Lukas 12:17

Tona haitu nompekiri, ‘Nuapa kupovia? Domo ria pomboli asele poviaku.’

Yohanes 8:37

NisaniKu komiu pura-pura muli i Abraham. Tapi nau damo ivesia, komiu madota mompatesi Yaku, sabana ledo nipokonomiu mantarima pepatudukiKu.