Matius 3:15 - Kaili Ledo

¹⁵ Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Matius 3:15 Referans Kwoze

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 13:15

Yaku najadi jonjo ka komiu ala komiu mositulungi, nasimbayu mpo Yaku nantulungi komiu notoposi kadamiu.

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

Lukas 1:6

Katuvura njamboko mpuu-mpuu nompakadamba rara nu Alatala, sabana ira njamboko natundu ri pura-pura parenta bo atura nu Alatala.

Yohanes 8:29

Ia anu nantudu Yaku, Ia muni nomporoa Yaku. Ledo rapalambaNa Yaku saitoKu, sabana Yaku bate-batena novia anu nompakadamba raraNa.”

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

Matius 3:14

Tapi i Yohanes madota mompoara perapiNa haitu. Niulina, “Kakanana yakumo anu masipato radiuMiu. Berimba sampe Komiu makava mekidiu nte yaku?”