Matius 28:9 - Kaili Ledo

⁹ Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Matius 28:9 Referans Kwoze

Matius 28:17

Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Yohanes 20:28

Nanguli i Tomas ka i Yesus, “Tupuku! Alatala nisombaku!”

Lukas 24:52

Nantaputumo anaguruNa mombasomba Ia. Naupu sia nanjilimo ira hau ri ngata Yerusalem ante rara nadamba ntoto.

Yohanes 12:3

Tempo ira nonturo hamai, i Maria nangala sabotolo lana vangi narwastu anu nasuli mpuu alina, nitasere santanga lite isina. Bo nakavamo ia mombatoli lana haitu ri kada i Yesus tanda pebilana, bo nipakabaina ante buluana. Bo riara banua haitu navangi mpuu soana lako ri lana vangi haitu.

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.

Pompakita 3:9

Naria tona najadi todea Magau nu Seta anu nanguli iramo toYahudi, tano mai ledo, aga davara. Tapi epemo! Ira kana Kupopantaputu ri ngayomiu. Bo raulira Yaku mpuu-mpuu nompotove komiu.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Lukas 1:28

Malaeka haitu neonga ri ngayo i Maria bo nanguli, “Heh, Maria. Iko tona nipotove nTupu! Tupu momporoa iko!”

Matius 23:7

Nipokonora rabila ntona ri potomu bo nadamba rarara ane tona nanggasangai ira ‘Guru’.

Matius 28:8

Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Matius 28:10

Nanguli i Yesus ka ira, “Nee maeka. Koi ulika sampesuvu-sampesuvuKu hau ri Galilea. Hamai rakitara Yaku.”