Matius 28:6 - Kaili Ledo

⁶ Ia domo ria ri sii. Natuvu mpanjilimo Ia nangoseaka anu niuliNa bara ipia. Kamaimo peinta ponturo nipomboli karobataNa.

Matius 28:6 Referans Kwoze

Markus 16:6

Tapi nangulimo kabilasa haitu ka ira, <

Matius 12:40

Talu-mbongi bo talu-eo kasaena Nabi Yunus riara ntai bau mbaso. Ivesia muni Yaku, Ana nu Manusia, kana riara dayo talu-mbongi talu-eo kasaena.

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Lukas 24:23

tapi ledo nikavara karo bataNa ri sia. Ira nanjili nanguli ka kami nikitara malaeka lako nte Alatala bo malaeka haitu nanguli ka ira, i Yesus natuvu mpanjilimo.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Matius 27:63

Nakava hamai, nanguli ira, “Pua, nitora kami tesa ntopebagiu haitu tempo Ia da natuvu. NiuliNa, ‘Maliu talu-mbongi Yaku matuvu mpanjili.’

Yohanes 2:19

Nesana i Yesus, “Geromo banua nu Alatala hitu bo Kubangu mpanjili riara tempo talu-eo.”

Markus 8:31

Naliu haitu, nompamulamo i Yesus nompatuduki anaguruNa. <>

Yohanes 10:17

TuamaKu nompotove Yaku sabana Yaku nasadia nombadekei karoKu rapatesi ala Yaku matuvu mpanjili.

Lukas 24:12

Tapi i Petrus neangga bo nangova hau ri dayo haitu. Ia notungga, nompeinta riarana. Nikitana damo kae sompuna bayangi ri sia. Domo naria karobata i Yesus. Nanggita haitu nanjilimo i Petrus, nokumaa nompekirika anu najadi.

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 17:23

bo rapatesira. Tapi ri eo katataluna Yaku rapakatuvu mpanjili.” Nangepe tesaNa haitu, nasusa mpuumo rara anaguruNa pura-pura.

Matius 17:9

Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Suro-Suro 2:24

Komiu nompatesi i Yesus, tapi Alatala nompakatuvu mpanjili Ia lako ri kamateNa. NikabasakaNa Ia lako ri kuasa kamatea, sabana Ia ledo ntoto namala rataamaka ri ponturo ntona namate.