Matius 28:20 - Kaili Ledo

²⁰ Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 28:20 Referans Kwoze

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Markus 16:20

Naupu haitu, haumo ana-anaguruNa nompatolele Kareba Belo ka tona ri umba-umba, bo Tupu mboto nokarajaa nosanggani-nggani ante ira. Ia nombadekei ka ira kuasa movia kabaraka-kabaraka ala mompakaroso tesa nipatolelera haitu.]

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

1 Korintus 11:2

Sampesuvu-sampesuvu, yaku nantoiya komiu sabana komiu batena nantora yaku riara mpengaya-ngaya, bo komiu naroo nangoseaka pepatuduki nipatudukiku ka komiu.

Matius 13:49

Ivesia muni majadi ri Kaupu nu Dunia. Malaeka-malaeka nTupu kana hau mombataniaka tona nadaa lako ri tona nanoa.

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

1 Korintus 11:23

Nipatudukikumo ka komiu bara ipia batuana nangande bo nanginu nosanggani-nggani mantora kamate i Yesus. Pepatuduki haitu nitarimaku lako nte i Pue Yesus mboto. Bongi i Pue Yesus nipobalu ka baliNa, nialaNa roti,

Matius 24:3

Naupu haitu hau ri Bulu Zaitunmo i Yesus. Tempo Ia da nonturo hamai, ana-anaguruNa nakava motesa nggalino nte Ia. Niulira, “Guru, uli ka kami, maipia majadi pura-pura anu nitesaMiu pangane, bo berimba tandana kakavaMiu bo kaupu nu dunia hitu?”