Matius 28:17 - Kaili Ledo

¹⁷ Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Matius 28:17 Referans Kwoze

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Matius 28:9

Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

1 Korintus 15:6

Bo naupu haitu nipopakitaNa karoNa ka salunu topangoseaka Ia nelabi lima-atu tona kadeana. Nau bara sako-ndua ira namatemo, deanapa ira da natuvu sampe sii-sii.

Markus 16:11

Tapi tempo niepera tesana nanguli i Yesus natuvu mpanjili bo nikitanamo Ia, ledo ntoto niparasayara tesa haitu.

Markus 16:13

Naupu sia, nanjilimo ira randua bo notesa kajadia haitu ka roa-roara ntanina. Tapi roara haitu ledo muni nomparasaya tesara.

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.