Matius 28:15 - Kaili Ledo

¹⁵ Jadi tantara-tantara nangala doi haitu bo nitesa-tesara anu nitudu ka ira. Bo tesa tantara-tantara haitu batena nipatolele ri tatanga ntoYahudi sampe sii-sii.

Matius 28:15 Referans Kwoze

Matius 27:8

Haitu sampe tana haitu niuli “Tana Raa” sampe sii-sii.

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

Matius 26:15

bo nanguli, “Ane kupobalu i Yesus ka komiu, nuapa radekeimiu ka yaku?” Jadi nibilaramo talupulu mpeka doi salaka bo nidekeira ka i Yudas.

Matius 9:31

Tapi nalaimo ira bo nompatolele kareba i Yesus ri pura-pura ngata ri njumangu bagia haitu.

Markus 1:45

Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.