Matius 27:66 - Kaili Ledo

⁶⁶ Jadi hau ira nombamere vatu poupi dayo ala ledo rabuka ntona. Bo nitudura tantara-tantara mombajagai dayo ala ledo maria tona mombabuka dayo haitu.

Matius 27:66 Referans Kwoze

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Matius 28:2

Sampesani naria lingu mbaso sabana malaeka nTupu nanau lako ri suruga nombaduliaka vatu poupi dayo. Naupu haitu nonturomo ia ri bavona.

Matius 27:60

bo nidikana riara dayo nipoviana ka karona mboto anu dako nipaa ri vatu nobunti. Naupu haitu nidulina vatu mbaso mombaupi vamba dayo haitu, bo nalaimo ia.

Matius 28:11

Nalaipa mombine-mombine pangane, bara sako-ndua tantara topojaga dayo haitu hau ri ngata nombatesaki ka balengga-balengga ntopanggeni pesomba anu najadi ri dayo pangane.

Matius 27:65

Nesana i Pilatus, “Siimo tantara-tantara. Kenimo ira bo jagaimo dayo pakabelo-belo.”

Markus 16:4

Tapi nakavapa ri dayo, nikitara nateduliakamo vatu mbaso haitu.

Yohanes 20:1

Ri eo Aka mpadondo mpisina da naruyo, i Maria Magdalena hau ri dayo i Yesusmo. Nakava ri dayo, nikitana vatu nipotutui dayo haitu nateduliakamo lako ri vamba nu dayo.

Pompakita 20:3

Nitedakana ule haitu riara lovu anu ledo rapakule mantuvu kandalana haitu. Naupu haitu nigunjina bo nimerena vamba lovu haitu ala ule naga ledo mamala mesuvu mombabagiu manusia sampe magana tempona sanjobu mpae kasaena. Maliu haitu ia kana rakabasaka mpanjili sampalai.