Matius 27:56 - Kaili Ledo

⁵⁶ Saito nosanga i Maria Magdalena. Saitopa nosanga i Maria, tina i Yakobus bo i Yusuf. Saitopa berei i Zebedeus.

Matius 27:56 Referans Kwoze

Yohanes 19:25

Tina i Yesus nosanggani-nggani ante sampesuvuna mombine neangga napara kayu salib. Naria muni i Maria berei i Klopas bo i Maria Magdalena.

Markus 16:9

[Eo Aka mpadondona, naliu i Yesus natuvu mpanjili lako ri kamateNa, nipopakitaNamo karoNa ka i Maria Magdalena. I Maria haitumo mombine anu nikabasaka i Yesus lako ri kuasa nu seta papitu bara ipia.

Markus 15:47

Tempo haitu i Maria Magdalena bo i Maria tina Yoses nanggita ponturo nipombaboli karobata i Yesus.

Matius 28:1

Naliu eo penonto, dopame nebonda eo, ri eo Aka hau i Maria Magdalena bo i Maria ntanina manggita dayo i Yesus.

Yohanes 20:18

Jadi hau mpuumo i Maria Magdalena nte ana-anaguru i Yesus bo niulina, “Nikitakumo i Pue!” Bo nitesana muni ka ira pura-pura anu nitesa i Yesus ka ia.

Yohanes 20:1

Ri eo Aka mpadondo mpisina da naruyo, i Maria Magdalena hau ri dayo i Yesusmo. Nakava ri dayo, nikitana vatu nipotutui dayo haitu nateduliakamo lako ri vamba nu dayo.

Lukas 24:10

Mombine pangane iamo: i Maria Magdalena, i Yohana, i Maria tina Yakobus, ante mombine-mombine ntanina. Nitesara pura-pura anu najadi pangane ka anaguruNa,

Matius 27:61

Tapi i Maria Magdalena ante i Maria ntanina, nonturo ri sia nantingayo dayo haitu.

Matius 13:55

Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Lukas 8:2

bo naria muni bara sako-ndua mombine nomporoa ira. Mombine gahaitu nipakabelo i Yesus lako ri duara bo seta-seta nipopalaiNa lako ri karora. Saito roara nosanga i Maria Magdalena. Naria papitu seta nipopalai i Yesus lako ri karona bara ipia.