Matius 27:54 - Kaili Ledo

⁵⁴ Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 27:54 Referans Kwoze

Markus 15:39

Naria balengga ntantara neangga ri ngayo kayu salib i Yesus. Tempo niepena pongare i Yesus bo nikitana kamateNa ivehaitu, nangulimo ia, <>

Matius 27:36

Naupu haitu nonturomo ira ri sia nombajagai Ia.

Matius 27:43

Ia nanjarumaka Alatala bo niuliNa Iamo Ana nu Alatala! Jadi hitupa rapeintakata ane Alatala madota mompakasalama Ia!”

Suro-Suro 27:43

Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.

Suro-Suro 27:1

Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Suro-Suro 23:23

Naupu haitu, tadulako nompokio randua tantarana, bo nanguli ka ira, “Pakasadiamo roatu tantara biasa bo pitupulu tantara mesavi jara, bo roatu tantara motavala. Bongina hitu tinti sasio, komiu kana malai lako ri sii hau ri ngata Kaisarea.

Suro-Suro 21:32

Nangepe pakilu haitu, tadulako haitu kaliu-liu nangala tantara-tantarana bo hau nasalisa ri kagado haitu. Nanggitapa tantara-tantara nakava, nenontomo todea nombaboba i Paulus.

Matius 8:5

Tempo i Yesus nesua ri ngata Kapernaum nakavamo saito balengga ntantara nte Ia. Ia nerapi mpuu-mpuu nte i Yesus,

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Suro-Suro 23:17

Naupu nangepe tesa nu pinoanana, i Paulus nompokio saito balengga ntantara bo nanguli ka ia, “Keni kabilasa hitu hau ri ngayo nu tadulako. Naria anu ratesana ka ia.”

Suro-Suro 10:1

Ri ngata Kaisarea naria saito langgai nosanga i Kornelius. Ia tantara nu Magau Mbaso Kaisar bo ia balengga ntantara anu nombabalenggai saatu tantara ntanina anu niuli Lunu ntoItalia.

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Yohanes 19:7

Nesana toYahudi ka ia, “Nangoseaka atura-atura kami, tona hitu masipato rapatesi sabana Ia nompangaku karoNa Ana nu Alatala!”

Lukas 22:70

Pade nekutana vai ira pura-pura, “Jadi, Ikomo hii tano Ana nu Alatala?” Nesana i Yesus, “Nakana niulimiu, Yakumo hii Ana nu Alatala.”

Matius 27:40

Nanguli ira, “NiuliMu Iko mamala mombagerosi Banua nu Alatala bo mombabanguna mpanjili riara talu-eo! Ane Iko mpuu-mpuu Ana nu Alatala, pakasalama karoMu mboto! Panaumo lako ri kayu salib tutu!”

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Matius 27:51

Ri tempo haitu muni kae povombo ri Banua nu Alatala nabite rombite lako ri bavona sampe ri tambena. Bo naria muni lingu mbaso bo vatu-vatu mbaso natebingga.