Matius 27:38 - Kaili Ledo

³⁸ Tempo haitu naria muni randua topeago nipaku ri kayu salib ntanina, saito ri sabingga nggana i Yesus, bo saitopa ri sabingga njidiNa.

Matius 27:38 Referans Kwoze

Yohanes 19:18

Ri siamo i Yesus nipakura ri kayu salib. Ri tempo haitu naria muni randua tona ntanina nipaku ri kayu salibra, saito ri sabingga ngganaNa, saito ri sabingga njidiNa bo i Yesus ri tatangara.

Markus 15:27

Naria muni randua topeago nipaku ri kayu salib ntanina nosanggani-nggani ante i Yesus, saito ri pangganaNa bo saitopa ri panggaiNa.

Matius 27:44

Bo ivesia muni i Yesus nidee ntopeago-topeago anu nipaku ri kayu salib ri sinjoriNa.

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Matius 27:37

Ri toto balenggaNa ri kayu salib haitu nipatakara dopi nitulisi pangadura ivei: HITUMO I YESUS, MAGAU NTOYAHUDI.

Matius 27:39

Tona noliu ri sia nolito-lito balenggara bo nombadee Ia.