Matius 27:3 - Kaili Ledo

³ Naupu i Yudas nompobalu i Yesus ka baliNa, niepena i Yesus nihuku mate, nanjoso raramo ia. Hau ia nte balengga-balengga ntopanggeni pesomba bo nipopanjilina ka ira talupulu mpeka doi salaka nitarimana.

Matius 27:3 Referans Kwoze

2 Korintus 7:10

Sabana, kasusa rara nangoseaka dota nu Alatala, nanggeni kita najea lako ri dosata sampe kita rapakasalama. Bo ledo ria saitoa tona manjoso rarana ane rapakasalama. Tapi kasusa rara biasana anu nirasai ntona ledo nosisani nte Alatala, ledo nanggeni kita majea aga nanggeni kita mamate bo rapopogaa lako nte Alatala.

Yohanes 18:3

Jadi i Yudas nanggeni salunu tantara nu Magau Mbaso Roma bo topojaga Banua nu Alatala hau ri pampa haitu. Ira nitudu nu balengga-balengga ntopanggeni pesomba bo toFarisi. Nikenira poindo, sulo bo pareva posieva.

Yohanes 13:27

Niala i Yudaspa roti haitu, kaliu-liu nesuamo Magau nu Seta riara ntaina. Bo nanguli i Yesus ka i Yudas, “Anu mupovia, poviamo masalisa!”

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Suro-Suro 1:18

(I Yudas haitu nangali salimpu tana ante doi nikavana tempo ia nompobalu i Yesus. Ri tana haitu ia nanavu bo namate. Taina nasemparaka sampe isi rarana nesuvu ri savalikuna.