Matius 27:19 - Kaili Ledo

¹⁹ I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Matius 27:19 Referans Kwoze

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

1 Petrus 2:22

Ia ledo sanggania novia dosa, ledo sanggania Ia nodava.

Yohanes 19:13

Nangepe peparangga ntoYahudi haitu, nikeni i Pilatusmo i Yesus hau ri savalikuna bo nonturomo ia ri gadera potangara ri ponturo niuli “Jaula Vatu.” Ane riara basa Ibrani, sangana “Gabata.”

Lukas 23:47

Tempo balengga nu tantara nanggita anu najadi, nitoiyanamo Alatala. Niulina, “Nakana mpuu tona hitu ledo ria salaNa.”

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Matius 27:4

Niulikana ira, “Nadosamo yaku! Yaku nompobalu tona ledo nasala bo Ia nihuku mate!” Nesana ira, “Haitu ledo urusa kami! Urusamu mboto!”

Matius 2:22

Tapi niepenapa i Arkelaus, ana Magau Herodes nanjambei tuamana nomparenta bagia Yudea, naekamo rarana mapola. Alatala notesa vai ka ia riara pangipina, jadipa napolamo ira hau ri bagia Galilea.

Matius 2:19

Naliu Magau Herodes namate, i Yusuf da nonturo ri Mesir. Nakavamo saito malaeka nTupu riara pangipina

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Lukas 23:41

Bo kita randua hii masipato rahuku nasinjuru ante pokaingguta nadaa. Tapi tona hitu ledo ntoto nasala!”

Matius 27:18

I Pilatus nanguli ivesia apa nisaninamo pakeni ntoYahudi nombadekei i Yesus ka ia sabana nasiriati.

Suro-Suro 12:21

Nanggava eo niovora, nipasua Magau Herodesmo pakea kamagauana bo hau nonturo ri gadera kamagauana bo notesa ka todea.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 18:16

Naupu haitu Gubernur Galio nompopalai ira lako ri banua potangara haitu.

Suro-Suro 18:17

Nesuvupa ira, nisakaramo pakeni ri banua petupu ntoYahudi anu nosanga i Sostenes, bo nibobara ia ri ngayo banua potangara. Tapi Gubernur Galio ledo ntoto nipeilina.

Suro-Suro 25:6

Dopa nasae i Festus nakava ri ngata Yerusalem, nitasere valu-mbongi bara sapulu-mbongi kasaena, nanjilimo ia hau ri ngata Kaisarea. Nakava sumai, kamailena nesuamo ia ri banua potangara bo nituduna tona manggeni i Paulus mantingayo ia.

Suro-Suro 25:10

Nesana i Paulus, “Pua, ledo madota yaku, sabana hitu-hitu yaku neangga ri ngayomiu, apa komiu topotangara anu nipakatantu Magau Mbaso Roma mboto, bo ri siimo yaku masipato ratangara. Pua, nisanimiu mbotomo ledo naria salaku nte toYahudi.

Suro-Suro 25:17

Jadi tempo tona nompangadu i Paulus nakava ri sii, ledo nipopeaku pakasae. Kamailena haitu nipasiromukumo polibu potangara bo niparentaku i Paulus rakeni rapoposintingayo nte tona nompangadu ia.