Matius 27:18 - Kaili Ledo

¹⁸ I Pilatus nanguli ivesia apa nisaninamo pakeni ntoYahudi nombadekei i Yesus ka ia sabana nasiriati.

Matius 27:18 Referans Kwoze

Suro-Suro 5:17

Kaupuna Pakeni nTopanggeni Pesomba ante roa-roana anu nangoseaka pepatuduki ntoSaduki, nasiriatimo nanggita kadea ntona nomparasaya i Yesus. Jadi ira nompamula nompandasa suro-suro i Yesus.

Markus 15:10

Niulina ivesia sabana nisaninamo balengga-balengga ntopanggeni pesomba nanggeni i Yesus ka ia sabana nasiriati.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 7:9

Totua-totuata, nasiriati nanggita tueira i Yusuf, sampe ia nipobalura ka toMesir. Ia nipajadi batua, tapi Alatala nombatulungi ia,

Matius 27:17

Tempo i Pilatus nombatangara i Yesus, todea nasiromu. Jadi i Pilatus nekutana nte ira, “Isema rapodotamiu kukabasaka ka komiu mpae hitu? I Yesus Barabas atau i Yesus anu niuli Magau Topepakasalama anu nijanji nu Alatala?”

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”