Matius 26:75 - Kaili Ledo

⁷⁵ Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.

Matius 26:75 Referans Kwoze

Matius 26:34

Nanguli i Yesus, “Petrus, pariaramo tesaKu hitu. Bongi hitu dopame manu mototoroko, talu-ngganimo iko mombasapu Yaku.”

Yohanes 13:38

Nesana i Yesus, “Mpuu-mpuu iko madota mamate manjaliku Yaku? Pariaramo tesaKu hitu, dopame mototoroko manu ngena, talu-ngganimo iko mombasapu Yaku.”

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

1 Petrus 1:5

Sampesuvu-sampesuvu, komiu masipato mantarima belo haitu, sabana komiu nomparasaya i Yesus. Bo komiu batena nijagai nu Alatala ante kuasaNa ala komiu mamala mombarasai belo anu nasadiamo radekeiNa ka komiu ri kaupu nu dunia.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

Matius 10:33

Tapi isema-sema manguli ri ngayo ntona ntanina, ledo nisanina Yaku, Yaku muni manguli ri ngayo nTuamaKu ri suruga, ledo nisaniKu ia.”

Matius 26:74

Bo nopinda vaimo i Petrus bo nanguli, “Ledo ntoto nisaniku tona haitu!” Bo eva nisuka, nototorokomo manu.