Matius 26:74 - Kaili Ledo

⁷⁴ Bo nopinda vaimo i Petrus bo nanguli, “Ledo ntoto nisaniku tona haitu!” Bo eva nisuka, nototorokomo manu.

Matius 26:74 Referans Kwoze

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

Yohanes 18:27

Tapi nesapu vaimo i Petrus, “Ledo!” Nesanapa i Petrus, kaliu-liu nototorokomo manu.

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

Lukas 22:60

Tapi nesana i Petrus, “Ledo nisaniku nuapa niulimu!” Da notesa i Petrus, eva nisuka nototorokomo manu.

Markus 14:68

Tapi i Petrus nesapu. Niulina, <> Naupu haitu nalaimo i Petrus hau ri bobaa banua. Eva nisuka tempona haitu, nototorokomo manu.

Markus 14:30

Pade nangulimo i Yesus ka ia, <>

Matius 27:25

Nesana todea, “Ivesia mamimo! Damo kami bo muli-muli kami manjimbuaka kamateNa!”

Matius 26:34

Nanguli i Yesus, “Petrus, pariaramo tesaKu hitu. Bongi hitu dopame manu mototoroko, talu-ngganimo iko mombasapu Yaku.”

Matius 26:73

Dopa nasae, tona neangga hamai nanggaparai i Petrus bo nanguli, “Natantumo iko muni topangoseaka i Yesus, apa nalanto lako ri enggo ntesamu iko toGalilea!”

Matius 26:75

Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.