Matius 26:71 - Kaili Ledo

⁷¹ Naupu haitu i Petrus hau ri bobaa nu doyata. Ri sia saito batua mombine ntanina nanggita ia bo nanguli ka tona hamai, “Tona hitu muni nosanggani-nggani ante i Yesus, toNazaret haitu.”

Matius 26:71 Referans Kwoze

Lukas 22:58

Dopa nasae naria vai tona ntanina ri sia nanggita i Petrus bo nanguli ka ia, “Iko muni saito roara!” Tapi nanguli i Petrus, “Ledo! Ledo yaku, le!”

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Matius 26:70

Tapi i Petrus nesapu ri ngayora pura-pura, “Ledo nakana! Ledo nisaniku nuapa niulimu!”

Matius 26:72

Tapi i Petrus nesapu vaimo ante nopinda bo nanguli, “Ledo nisaniku tona haitu!”