Matius 26:63 - Kaili Ledo

⁶³ Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Matius 26:63 Referans Kwoze

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 27:12

Tapi tempo balengga-balengga ntopanggeni pesomba bo totua-totua ntoYahudi nompangadu Ia, nau ledo nasala ledo notingo Ia.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 19:9

Jadi nesua mpanjilimo ia riara banuana bo i Yesus muni nikeni nesua. Nekutanamo i Pilatus, “Tona lako ri umba Iko?” Tapi ledo nesana i Yesus.

Yohanes 19:7

Nesana toYahudi ka ia, “Nangoseaka atura-atura kami, tona hitu masipato rapatesi sabana Ia nompangaku karoNa Ana nu Alatala!”

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 10:36

nemopa Yaku! Apa Yakumo hii nipelisi nu Alatala bo nituduNa tumai ri dunia! Jadi nakuya niulikamiu Yaku nompandaente Alatala sabana niuliKu Yakumo hii Ana nu Alatala?

Yohanes 10:30

Yaku bo TuamaKu ledo ria posisalana, aga saito.”

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 8:25

Bo nekutana vaimo toYahudi, “Kakanana, isema tano Iko?” Nesana i Yesus, “Domo ria gunana Kutesa ka komiu!

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Markus 14:61

Tapi i Yesus ledo notingo. Nau ledo nasala, Ia ledo ntoto nesana. Jadi nekutana vai Pakeni nTopanggeni Pesomba, <>

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 27:43

Ia nanjarumaka Alatala bo niuliNa Iamo Ana nu Alatala! Jadi hitupa rapeintakata ane Alatala madota mompakasalama Ia!”

Matius 27:40

Nanguli ira, “NiuliMu Iko mamala mombagerosi Banua nu Alatala bo mombabanguna mpanjili riara talu-eo! Ane Iko mpuu-mpuu Ana nu Alatala, pakasalama karoMu mboto! Panaumo lako ri kayu salib tutu!”

Matius 27:14

Tapi i Yesus ledo notingo nau sambela, sampe nokumaa mpuu rara Gubernur.

1 Petrus 2:23

Tempo Ia nisalai ntona, ledo nibalasiNa. Tempo Ia nipandasa, Ia ledo nesava. Tapi Ia aga nanjarumaka Alatala, Topotangara nanoa anu manjaliku Ia.

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Matius 26:62

Naupu haitu neanggamo Pakeni nTopanggeni Pesomba bo nanguli ka i Yesus, “Berimba? Ledo Nupesanaka pangadura haitu?”

2 Korintus 1:19

Apa i Yesus Kristus ledo nabali-bali. Iamo Ana nu Alatala anu nipatolele kami i Silas bo i Timotius ka komiu. Ia ledo nebalingoya, ledo sanggani nanguli, “Iyo”, bo sanggani nanguli, “Ledo.” TesaNa bate-batena namala raparasaya.