Matius 26:58 - Kaili Ledo

⁵⁸ I Petrus netuntuni nggavao lako ri puri, sampe nakava ri doyata nu banua Pakeni nTopanggeni Pesomba. Nakava hamai, nesuamo ia rara doyata bo nonturo nosanggani-nggani ante topojaga-topojaga ala rasanina nuapa majadi ante i Yesus.

Matius 26:58 Referans Kwoze

Yohanes 7:32

ToFarisi nangepe todea nanggalivaya notesa i Yesus. Haitumo sabana ira bo balengga-balengga ntopanggeni pesomba ntoYahudi nantudu bara sako-ndua topojaga Banua nu Alatala hau mombasaka i Yesus.

Yohanes 18:25

Tempo i Simon Petrus da nanderu mpeangga ri sia, naria vaimo tona nekutana nte ia, “Apa ledo iko muni saito anaguru ntona haitu?” Tapi nesapu vaimo i Petrus, “Ledo!”

Yohanes 7:45

Naupu sia, topojaga Banua nu Alatala anu nitudu mombasaka i Yesus pangane, nanjili hau nte toFarisi bo balengga-balengga ntopanggeni pesomba. Nakava hamai, toFarisi bo balengga-balengga haitu nanguli ka ira, “Nakuya ledo nikenimiu tona haitu tumai?”

Matius 5:25

Ane maria tona mompangadu komiu, masalisa mosinggabelo mpanjili ante ia dopame komiu makava ri ngayo ntopotangara. Sabana, ane komiu ledo mosinggabelo ante ia, natantumo ia mompangadu komiu nte topotangara, bo topotangara haitu mombadekei komiu ka polisi, bo polisi mombasuaraka komiu riara ntarunggu.

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Lukas 22:54

Nisakara mpuumo i Yesus bo nikenira hau ri banua nu Pakeni nTopanggeni Pesomba. I Petrus netuntuni nggavao lako ri purina.

Yohanes 19:6

Nanggita i Yesus, nongare-ngaremo balengga-balengga ntopanggeni agama bo topojaga-topojaga Banua nu Alatala nanguli, “Pakumo Ia ri kayu salib! Pakumo Ia ri kayu salib!” Nesana i Pilatus ka ira, “Alamiu mbotomo Ia, bo pakumiu mbotomo Ia ri kayu salib, sabana tona hitu ledo ntoto naria salaNa nikavaku.”

Suro-Suro 5:22

Tempo tona nitudu haitu nakava ri tarunggu, ledo nikavara suro-suro ri sia. Jadi nanjilimo ira hau manguli ka toPolibu Mbaso Agama.

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.