Matius 26:55 - Kaili Ledo

⁵⁵ Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Matius 26:55 Referans Kwoze

Yohanes 8:2

Kamaile bobayana, hau vaimo Ia nesua ri doyata Banua nu Alatala, bo nakavamo todea nasiromu nte Ia. Nonturomo Ia bo nompatuduki ira.

Markus 12:35

Tempo i Yesus nompaguru ri doyata Banua nu Alatala, nipekutanaNa nte todea, <

Yohanes 7:28

Jadi tempo i Yesus da nompatuduki ri doyata Banua nu Alatala, nitesaNa ante suaraNa namangga, “Nisanimiu tano isema Yaku bo lako ri umba kakavaKu? Yaku ledo nakava nangoseaka dotaKu mboto, tapi Yaku nakava nangoseaka dota nu Alatala anu nombatudu Yaku. Iamo masipato raparasaya. Ledo ntoto nisanimiu Ia,

Yohanes 7:14

Nagantanga posusa haitu pade nesua i Yesus hau ri doyata Banua nu Alatala bo nompamulamo nompatuduki tona.

Matius 21:23

I Yesus nesua riara doyata Banua nu Alatala bo nompaguru. Da ranja nompaguru Ia, nakavamo balengga-balengga ntopanggeni pesomba bo totua-totua ntoYahudi. Ira madota mangelo saba, jadi nipekutanara nte i Yesus, “Ante kuasa nuapa nipoviaMiu pura-pura haitu ri Banua nu Alatala? Isema nombadekei kuasa haitu ka Komiu?”

Matius 26:47

Da notesa i Yesus, nakavamo i Yudas, saito lako ri sapulu randua anaguruNa. Ia nakava nosanggani nte todea nantipale guma bo pato, tona nitudu nu balengga-balengga ntopanggeni pesomba bo totua-totua ntoYahudi.

Markus 10:1

Naupu haitu i Yesus ante anaguruNa nompalaisi ponturo haitu bo hau ri bagia Yudea bo nombavote Binangga Yordan. Hamai nadea vai tona nakava nte Ia bo nipatudukiNa vai ira, nangoseaka kabiasaNa.

Lukas 4:20

Naupu nibacaNa, nitutuiNamo bo nipopanjiliNamo ka topojaga ri sia. Naupu haitu nonturomo Ia bo pura-pura tona riara banua petupu haitu nompeintaka Ia, mangepe anu rauliNa.

Lukas 19:47

Eo-eo i Yesus nesua nompaguru ri doyata Banua nu Alatala. Balengga ntopanggeni pesomba ante guru-guru agama bo totua-totua ntoYahudi madota mompatesi Ia.

Lukas 20:1

Naria saeo i Yesus nompaguru bo nompatolele Kareba Belo ka todea ri doyata Banua nu Alatala. Sampesanika nakavamo balengga-balengga ntopanggeni pesomba, guru-guru agama bo totua-totua ntoYahudi

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.