Matius 26:32 - Kaili Ledo

³² Tapi tempo Yaku matuvu mpanjili, Yaku mokolu ka komiu hau ri bagia Galilea.”

Matius 26:32 Referans Kwoze

Matius 28:10

Nanguli i Yesus ka ira, “Nee maeka. Koi ulika sampesuvu-sampesuvuKu hau ri Galilea. Hamai rakitara Yaku.”

Matius 28:16

Bo haumo sapulu saito anaguru i Yesus ri sangu bulu ri bagia Galilea anu nipakatantu i Yesus ka ira.

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Markus 16:7

Tapi koimo komiu bo uli ka ana-anaguruNa bo ka i Petrus. Ia mokolu ka komiu hau ri bagia Galilea. Hamai rakitamiu Ia nangoseaka anu niuliNa ka komiu bara ipia.>>

Markus 14:28

Tapi tempo Yaku matuvu mpanjili, Yaku mokolu ka komiu hau ri bagia Galilea.>>

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

1 Korintus 15:6

Bo naupu haitu nipopakitaNa karoNa ka salunu topangoseaka Ia nelabi lima-atu tona kadeana. Nau bara sako-ndua ira namatemo, deanapa ira da natuvu sampe sii-sii.

Matius 26:33

Nanguli i Petrus, “Nau ira pura-pura moura mompalaisi Komiu, yaku ledo ntoto moura!”