Matius 26:14 - Kaili Ledo

¹⁴ Naupu haitu, i Yudas, saito lako ri sapulu randua anaguru i Yesus, hau nte balengga-balengga ntopanggeni pesomba

Matius 26:14 Referans Kwoze

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Yohanes 13:30

Jadi naupu i Yudas nangala roti lako nte i Yesus, nalaimo ia. Tempo haitu nabongimo.

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Matius 27:3

Naupu i Yudas nompobalu i Yesus ka baliNa, niepena i Yesus nihuku mate, nanjoso raramo ia. Hau ia nte balengga-balengga ntopanggeni pesomba bo nipopanjilina ka ira talupulu mpeka doi salaka nitarimana.

Matius 26:47

Da notesa i Yesus, nakavamo i Yudas, saito lako ri sapulu randua anaguruNa. Ia nakava nosanggani nte todea nantipale guma bo pato, tona nitudu nu balengga-balengga ntopanggeni pesomba bo totua-totua ntoYahudi.

Yohanes 18:2

I Yudas, topompobalu i Yesus, nisanina muni pampa haitu apa i Yesus nasaro nasiromu nte anaguruNa hamai.

Matius 26:25

Naupu haitu nanguli i Yudas, anu mompobalu i Yesus ngena, “Guru, tantu ledo yaku niuliMiu.” Nesana i Yesus, “Tesamu mboto tu!”

Yohanes 12:4

Nanggita haitu, notesamo saito anaguru i Yesus anu nosanga i Yudas Iskariot anu mompobalu Ia bara maipia. Niulina,

Yohanes 13:26

Nesana i Yesus, “Tona Kudekeika roti Kutula ri uta, iamo nipatujuKu.” Naupu haitu nialaNamo santubi roti bo nitulaNa ri uta pade nidekeiNa ka i Yudas, ana i Simon Iskariot.

Suro-Suro 1:18

(I Yudas haitu nangali salimpu tana ante doi nikavana tempo ia nompobalu i Yesus. Ri tana haitu ia nanavu bo namate. Taina nasemparaka sampe isi rarana nesuvu ri savalikuna.