Matius 25:42 - Kaili Ledo

⁴² Apa tempo naara taiKu, ledo nipakandemiu. Tempo nabai tamboloKu ledo nipainumiu.

Matius 25:42 Referans Kwoze

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Matius 12:30

Isema-sema ledo nosabingga ante Yaku, iamo nangeva Yaku. Isema-sema ledo nantulungi riara pokarajaaKu, iamo nompakagero pokarajaaKu.

1 Yohanes 4:20

Isema-sema nanguli ia nompotove Alatala, tano mai navuu matana nanggita sampesuvuna sampomparasaya, ia mai topodava! Ane ia ledo nompotove sampesuvuna anu nikitana, natantumo ledo mamala ia mompotove Alatala anu ledo nikitana.

Yohanes 14:21

Isema-sema mompariara bo mangoseaka parenta-parentaKu, iamo nompotove Yaku. Bo isema-sema nompotove Yaku, ia muni rapotove nTuamaKu, bo Yaku mboto mompotove ia bo mompopaisani karoKu ka ia.”

Matius 25:35

Sabana tempo naara taiKu, nipakandemiu. Tempo nabai tamboloKu, nipainumiu. Nau Yaku tosangatana, nitarimamiu ri banuamiu.

Matius 4:2

Hamai patapulu eo bo patapulu mbongi i Yesus nopuasa. Naupu haitu naara mpuumo taiNa.

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’