Matius 25:40 - Kaili Ledo

⁴⁰ Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 25:40 Referans Kwoze

Matius 10:42

Bo isema-sema nombatulungi topangoseaka Yaku sabana ia mpuu-mpuu nangoseaka Yaku, tona haitu manggava tambona bara maipia. Pariaramo tesaKu hitu, nau aga mombadekei uve ranindi ka saito topangoseaka Yaku anu ledo ria nturona, ia kana manggava tambona.”

Markus 9:41

Pariaramo tesaKu hitu! Isema-sema mombadekei uve inu ka komiu sabana komiu topangoseaka Yaku, ia kana manggava tambona bara maipia.>>

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Matius 10:40

Isema-sema nantarima komiu, nitarimana muni Yaku. Bo isema-sema nantarima Yaku, nitarimana Alatala anu nombasuro Yaku.

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

1 Yohanes 4:20

Isema-sema nanguli ia nompotove Alatala, tano mai navuu matana nanggita sampesuvuna sampomparasaya, ia mai topodava! Ane ia ledo nompotove sampesuvuna anu nikitana, natantumo ledo mamala ia mompotove Alatala anu ledo nikitana.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Efesus 5:30

Haitu nipovia i Kristus sabana kita todea topomparasaya nireke sipa nu karoNa mboto.

Galatia 5:13

Sampesuvu-sampesuvu, komiu nipokio nu Alatala ala rakabasaka lako ri Atura agama. Aga nee sampe haitu majadi loga mangoseaka mpengaya-ngaya dota rara nadaa! Komiu kana mosimpotove bo mositulungi.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

Matius 28:10

Nanguli i Yesus ka ira, “Nee maeka. Koi ulika sampesuvu-sampesuvuKu hau ri Galilea. Hamai rakitara Yaku.”

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Matius 25:39

Ipia nikita kami Komiu nadua? Ipia Komiu nitarunggu bo kami hau nompelioda Komiu?’

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Lukas 19:38

Niulira, “Maoge belo ka Magau anu nakava niposumba nu Alatala! Ratoiyamo Alatala ri suruga! Ri suruga naria katuvu nabelo!” Mazmur 118:26

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.