Matius 25:36 - Kaili Ledo

³⁶ Tempo Yaku ledo ria pakeaKu, nidekeimiu ka Yaku pakea. Tempo Yaku nadua komiu nompelioda Yaku. Tempo Yaku nitarunggu komiu nakava nanggita Yaku.’

Matius 25:36 Referans Kwoze

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Lukas 3:11

Nesana i Yohanes, “Tona rontonga bajuna, kana radekeina santonga ka tona ledo ntoto naria bajuna. Tona nokandea kana radekeina sanu ka roana ledo ria kandeana.”

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’

Matius 25:37

Bo ira ri sabingga ngganaKu maingu rarara bo manguli, ‘Pue, ipia nikita kami naara taiMiu bo nipakande kami? Ipia nikita kami Komiu nabai tambolo bo nipainu kami?