Matius 25:34 - Kaili Ledo

³⁴ Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Matius 25:34 Referans Kwoze

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Pompakita 21:7

Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

Matius 20:23

Bo nanguli i Yesus ka ira, “Nakana mami komiu mombarasai pepandasa eva pepandasa Kurasai. Tapi ledo Yaku nakuasa mompakatantu isema masipato monturo ri sabingga ngganaKu bara ri sabingga njidiKu. Ponturo haitu aga bagia ntona anu nipakatantu nTuamaKu.”

Pompakita 17:8

Da nokolu, binata nikitamu haitu da naria natuvu, tapi sii-sii domo naria. Tapi ia meumba mpanjili bara maipia lako riara lovu anu ledo rapakule mantuvu kandalana. Maliu haitu ia rahuku sampe ri kasae-saena. Bo tona natuvu ri dunia anu ledo nitulisi sangara riara Buku Katuvua dopame dunia nipajadi nu Alatala, ira mpuu-mpuu mokumaa manggita binata haitu. Sabana, da nokolu binata haitu natuvu, sii-sii domo naria, tapi meumba mpanjili bara maipia.

Ibrani 4:3

Kita anu nomparasaya mamala menonto mosanggani-nggani ante Alatala, tapi ira ledo. Apa nikitata tesa nu Alatala ri bavona: “Nagigi mpuu raraKu sampe Yaku nosumpa ivei: Ledo ntoto Kudekei ira menonto mosanggani-nggani ante Yaku.” Mazmur 95:11 Ira ledo mombarasai kabelo penonto nu Alatala naupa penonto haitu nasadiamo lako ri lamba pamulana tempo Alatala naupu nompajadi dunia bo pura-pura isina.

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

1 Korintus 15:50

Sampesuvu-sampesuvu, iveimo patujuku: karota ri dunia hitu nipovia lako ri isi bo raa. Kita ledo mamala monturo ri Poparenta nu Alatala ri suruga ante karota anu mamate bo mapopo, sabana ri suruga ledo ria kamatea.

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Matius 25:21

Nanguli madika, ‘Nabelomo! Komiu batua nabelo, natutu nantui bago anu niparasayaka komiu. Komiu namala niparasaya ante mbara-mbara sakide. Sabana haitu, mbara-mbara nadea kuparasayaka komiu. Kamaimo madamba mosanggani ante yaku.’

Matius 19:29

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Matius 13:35

Ivesiamo kadupana tesa nu Alatala nipasimbayu nabi nggaulu ivei: “Yaku mompake porapa ane motesa ka ira. Ivesiamo Kutesa anu nitabuniaka lako ri pompajadi dunia.” Mazmur 78:2

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

2 Timotius 2:12

Ane kita nombatidamaka riara kasusata, Kita momparenta mosanggani-nggani ante Ia bara maipia. Ane kita mombasapu Ia Ia muni mombasapu kita.

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

1 Korintus 6:9

Jadi, ledo nisanimiu tona ledo nangoseaka dota nu Alatala ledo ntoto manggava bagia riara Poparenta nu Alatala? Nee sampe komiu rabagiu! Tona nokainggu nabuga, tona nompakande tupu-tupu ntanina, tona nobualo, bo tona nompogau simbo langgai atau simbo mombine, ira pura-pura ledo ntoto manggava bagia riara Poparenta nu Alatala.

Lukas 19:38

Niulira, “Maoge belo ka Magau anu nakava niposumba nu Alatala! Ratoiyamo Alatala ri suruga! Ri suruga naria katuvu nabelo!” Mazmur 118:26

Matius 5:19

Jadi, isema-sema nombaliunaka nau aga sambela lako ri parenta riara Atura-atura haitu, nau parenta anu nakodi ntoto, bo mompatuduki tona ntanina mombaliunaka muni, ia rareke tona nelabipa kakodina riara Poparenta nu Alatala. Tapi isema-sema nangoseaka Atura-atura haitu bo nipatudukina ka tona ntanina mangoseakana muni, iamo rareke tona nelabi kaogena riara Poparenta nu Alatala.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Pompakita 5:10

Ira nipajadiMiu magau bo topanggeni pesomba anu nanggeni pesomba ka Tuputa Alatala. Bo ira moparenta mpo magau ri dunia hitu.”

1 Petrus 1:9

Nadamba mpuumo raramiu sabana nitarimamiumo asele pomparasayamiu, haitumo komiu nipakasalama lako ri pehuku sampe ri kasae-saena.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

Suro-Suro 15:18

anu nompopaisani patujuNa lako nggauluname.” Amos 9:11-12

Suro-Suro 3:26

Haitumo sabana Alatala nanganggataka BatuaNa i Yesus, bo nantudu Ia tumai nte kita toYahudi ntani ruru, ala radekeiNa belo ka kita, haitumo, Ia manggeni kita majea lako ri pokaingguta nadaa.”

Yohanes 19:15

Jadi nongare-ngaremo ira, “Patesimo Ia! Patesimo Ia! Pakumo Ia ri kayu salib!” Nanguli i Pilatus ka ira, “Hm! Pangulimiu masipato kupaku magaumiu ri kayu salib?” Nesanamo balengga-balengga ntopanggeni agama, “Aga Magau Mbaso Kaisar magau kami!”

Yohanes 12:13

Jadi nialara tava ndate bo hau ira nombatomunaka i Yesus bo nongare-ngaremo ira, “Hosana! Ratoiyamo Alatala! Maoge belo ka Ia anu nakava niposumba nu Alatala! Iamo Magau ntoIsrael!” Mazmur 118:26

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Lukas 11:28

Tapi nesana i Yesus, “Nakana, tapi nabelopa tona nangepe tesa nu Alatala bo nioseakana.”

Markus 10:40

Tapi ledo Yaku nakuasa mompakatantu isema masipato monturo ri sabingga ngganaKu bo ri sabingga njidiKu. Aga Alatala nompakatantu isema masipato monturoka ponturo haitu.>>

Matius 27:37

Ri toto balenggaNa ri kayu salib haitu nipatakara dopi nitulisi pangadura ivei: HITUMO I YESUS, MAGAU NTOYAHUDI.

Matius 25:23

Nanguli madika, ‘Nabelomo! Komiu batua nabelo, bo natutu nantui bago niparasayaka komiu. Komiu namala niparasaya ante mbara-mbara sakide. Sabana haitu, madea kuparasayaka komiu. Kamaimo madamba mosanggani ante yaku.’

Matius 21:5

Ulimo ka tupu ngata Sion, “Peinta! Ritumo magaumiu makava nte komiu! Ia naede rarana, Ia nesavi keledai, ana nu keledai.” Yesaya 62:11; Zakharia 9:9

Efesus 5:5

Toramo pakabelo-belo! Tona nosipogau nte tona ledo bereina mboto bo tona nokainggu nabuga ledo ntoto manggava bagia riara Poparenta nu Alatala bo i Kristus. Ivesia muni ante tona nario matana bo ledo ria kabasa-basana, sabana anu niporiona haitu najadi anu nisombana bo haitu nasimbayu kadaana nte topompakande tupu-tupu ntanina.

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Markus 10:17

Tempo i Yesus mompapola polipaNa, naria saito tona nangova mosinggavaka Ia. Tona haitu nantaputu ri ngayo i Yesus bo nanguli, <>

Lukas 11:50

Jadi komiu anu natuvu sii-sii rahuku nu Alatala sabana kamate nu nabi pura-pura anu nipatesi lako ri pompajadi duniame.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.