Matius 25:24 - Kaili Ledo

²⁴ Naupu haitu nakavamo batua niparasayaka sanjobu mpeka doi bulava. Nanguli ia, ‘Pua, nisaniku komiu tona nasoa. Komiu nangala asele ntalua anu ledo potudamiu bo komiu nosombe anu ledo posavumiu.

Matius 25:24 Referans Kwoze

Lukas 15:29

Tapi nanguli ngana haitu ka tuamana, ‘Nompae-mpaemo yaku nokarajaa mpo batuamiu. Ledo ria sanggani niliunakaku anu niparentamiu kaku. Tapi nau sangu ana ntovau ledo ria nidekeimiu kaku ala yaku madamba-damba ante roaku.

Roma 9:20

Tapi sampesuvu-sampesuvu, ledo masipato kita mombasanai Alatala! Ledo masipato kura manguli ka topomandu, <>

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

Lukas 6:46

Nangulimo i Yesus, “Nakuya komiu noronde Yaku ‘Pue, Pue’ tapi ledo nioseakamiu parentaKu?

Matius 20:12

‘Topokarajaa anu nakava nggoviana aga sajaa nokarajaa. Kami hii nokarajaa ntamo njumaeo ri kapane nu eo, tapi komiu nombadekei ka ira gaji nasimbayu ante kami!’

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Matius 18:24

Tempo ia nompamula nomparesa doira, naria saito tomaoge nikeni mantingayo ia. Tomaoge haitu nadea ntoto indana nte magau haitu.

Matius 25:25

Naeka raraku, jadi nitabuniakaku ralovu doimiu. Peintamo! Hitumo doimiu, Pua.’

Matius 25:26

Bo nanguli madika, ‘Iko batua nadaa bo nasanda! Nisanimu yaku nangala asele ntalua anu ledo potudaku, bo nosombe anu ledo posavuku.

Lukas 19:13

Dopame ia hau, nipokiona ntani sapulu batuana bo nidekeikana simbo sampeka doi bulava ka ira. Pade niulikana, ‘Doi hitu rapagolimiu sampe manjili yaku.’