Matius 24:43 - Kaili Ledo

⁴³ “Pariaramo! Ane rasani ntupu banua tinti sakuya bongina topangangga makava, natantumo mainga-inga ia bo ledo rapalambana topangangga mesua rara banuana.

Matius 24:43 Referans Kwoze

Lukas 12:39

Pade nanguli munimo i Yesus, “Pariaramo porapa hitu! Ane rasani ntupu banua tinti sakuya topangangga makava, natantumo rajagaina banuana bo ledo rapalambana topangangga mesua rabanua.

Matius 24:44

Ivesia muni komiu kana mainga mompopea kakavaKu, apa ledo nisanimiu tempona Yaku, Ana nu Manusia, makava.”

Matius 20:11

Naupu ira nantarima gajira, nongaumo ira ka tupu ntalua ivei:

Matius 14:25

Nitasere tinti tatalu bobaya haitu, i Yesus nakava nte ira nolipa ri bavo nu uve.

Matius 24:42

Haitu sampe Kuuli, komiu kana mainga, apa ledo nisanimiu maipia makava Tupumiu.”

Matius 25:10

Jadi haumo randaa-randaa nadoyo mangali lana. Tapi tempo ira da ri tatanga dala hau mangelo lana, nakavamo boti langgai. Bo randaa-randaa anu nasadia poindona, nesua rabanua posusa nosanggani-nggani ante boti langgai. Naupu haitu niupimo vamba.

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Markus 6:48

NikitaNa nandasamo anaguruNa nombavose sakayara sabana poiri narimboso nantomunaka ira. Nitasere tinti tatalu bobayana, nakavamo i Yesus nolipa ri bavo nu uve bo Ia madota mombaliunaka ira.

Markus 13:35

Jadi, ivesia muni komiu kana mainga mompopea kakavaKu, apa ledo nisanimiu maipia Yaku, tupu banua, manjili, bara nggoviana, bara tanga bongi, bara bobayana, atau bara mebonda eo.

Lukas 12:38

Nabelo mpuu batua-batua nikavana nasadia nompopea kakava nu madikara, naupa ia makava tanga bongi bara bobayana.”

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”