Matius 24:42 - Kaili Ledo

⁴² Haitu sampe Kuuli, komiu kana mainga, apa ledo nisanimiu maipia makava Tupumiu.”

Matius 24:42 Referans Kwoze

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

1 Tesalonika 5:6

Jadi kita kana mainga bo manoto rarata, nee mamonjo-monjo mpo tona da natuvu ri kalandana.

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

1 Korintus 16:13

Komiu kana mainga bo nee menonto momparasaya i Kristus. Komiu kana maroso bo nee maeka ka nuapa-nuapa.

Matius 24:36

“Ane eo bo jaa kakavaKu ngena, aga TuamaKu ri suruga, nangisanina. Ledo ria saitoa nangisanina, ledo nisani nu malaeka ri suruga bo Yaku mboto, Ana nu Alatala, ledo nisaniKu.

Roma 13:11

Poviamo pura-pura haitu, apa nisanimiu sii-sii temponamo kita membangu lako ri paturuta bo mainga. Kita kana mainga sabana kakava i Kristus mompakasalama kita naparapa sii-sii pade tempo kita pamulana nomparasaya Ia.

Matius 24:44

Ivesia muni komiu kana mainga mompopea kakavaKu, apa ledo nisanimiu tempona Yaku, Ana nu Manusia, makava.”

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

Matius 24:43

“Pariaramo! Ane rasani ntupu banua tinti sakuya bongina topangangga makava, natantumo mainga-inga ia bo ledo rapalambana topangangga mesua rara banuana.

Matius 25:10

Jadi haumo randaa-randaa nadoyo mangali lana. Tapi tempo ira da ri tatanga dala hau mangelo lana, nakavamo boti langgai. Bo randaa-randaa anu nasadia poindona, nesua rabanua posusa nosanggani-nggani ante boti langgai. Naupu haitu niupimo vamba.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.