Matius 24:38 - Kaili Ledo

³⁸ Dopame uve oge nanggabuntu ri njumangu dunia, manusia aga natuvu ivesia-siamo. Ira aga nangande nanginu bo noberei eva biasa, sampe Nabi Nuh nesua riara kapala.

Matius 24:38 Referans Kwoze

Lukas 12:45

Tapi mandasa mpuu batua haitu ane aga mompekiri riara ntaina ivei: ‘Wee! Da masaepa pade manjili madikaku.’ Bo ia aga nombaboba batua-batua ntanina langgai bo mombine, bo aga mangande manginu bo malimpuno.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Lukas 12:19

Maupu haitu domo mokarajaa yaku, apa nadea mpuu mbara-mbara niboliku, madea mpae pade maupu. Jadi mamala yaku motondodo-ndodo, mangande, manginu bo matuvu masana.’

Matius 22:30

Tempo tona namate matuvu mpanjili bara maipia, katuvura masimbayu eva malaeka-malaeka ri suruga, ira domo moberei.