Matius 23:35 - Kaili Ledo

³⁵ Haitumo sampe komiu natuvu sii-sii mombatanggu pura-pura raa ntonoa nipatesi, nompamula lako ri pompatesi i Habel anu ledo nasala, sampe pompatesi i Zakharia, ana i Berekia. Ia nipatesi ntotuamiu ri olo Banua nu Alatala bo lanta pesomba.

Matius 23:35 Referans Kwoze

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Pompakita 18:24

Tupu ngata Babel kana rahuku sabana ri ngata haitumo raa nu nabi-nabi bo todea nu Alatala nipakatitira. Bo raa lako ri kamate ntona ntanina pura-pura anu nipatesi riara dunia hitu kana rapasau ka tupu ngata Babel haitu.

Ibrani 12:24

Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

Lukas 11:51

Nompamula lako ri pompatesi i Habel sampe ri pompatesi i Zakharia anu najadi ri doyata Banua nu Alatala ri olo nu lanta pesomba bo Banua nu Alatala. Parasayamo! Komiu natuvu sii-sii mpuu-mpuu rahuku sabana pokainggu ntotuamiu!

Suro-Suro 5:28

“Komiu nitagi kami bara ipia, nee mpuu mompatolele pepatuduki i Yesus. Tapi ledo nepangala komiu, aga nggosena nipatolelemiu pepatuduki haitu ri njumangu ngata Yerusalem, bo niulimiu muni, i Yesus haitu namate nipatesi kami!”