Matius 22:3 - Kaili Ledo

³ Nituduna batua-batuana hau mompokio pura-pura tona anu nigagana makava ri posusa haitu Tapi ira nigaga haitu, ledo ria saitoa nadota hau.

Matius 22:3 Referans Kwoze

Pompakita 22:17

Nosa Gasa bo boti mombine anu nasadia rapoberei nu Ana Bimba haitu nanguli, “Kamaimo!” Bo pura-pura tona nangepe tesa hitu kana manguli, “Kamaimo!” Isema-sema nabai tambolona, kamaimo! Isema-sema madota, kamaimo manginu uve anu nombadekei katuvua. Uve haitu nidekei bayangi, ledo paraluu raali.

Roma 10:21

Tapi ane toYahudi, ivei Alatala nanguli ira: <> Yesaya 65:2

Yohanes 5:40

Tapi naupa komiu natutu neguru Buku Gasa, komiu bate-batena ledo nadota momparasaya Yaku ala rakavamiu katuvua mabelo haitu.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Lukas 19:27

Hitupa, keni tumai ri ngayoku bali-baliku anu ledo nadota nantarima yaku majadi madikara. Patesimo ira pura-pura ri ngayoku hitu!’ ”

Lukas 15:28

Nangepe haitu, naraumo rara ana lumbua sampe ledo nadota ia mesua riara banua. Jadi nesuvu tuamana mantingengesi ia mesua.

Lukas 13:34

He, komiu toYerusalem! Komiu nompatesi nabi-nabi, bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Matius 21:34

Nakavapa tempona mompupu vua anggur, nitudunamo bara sakuya-ndua batuana hau nte topokarajaa talua ala mantarima bagiana lako ri vua anggur.

Matius 9:15

Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.