Matius 22:29 - Kaili Ledo

²⁹ Nesana i Yesus, “Nasala mpuu komiu sabana ledo nisanimiu isi Buku Gasa, bo ledo muni nisanimiu kuasa nu Alatala.

Matius 22:29 Referans Kwoze

Yohanes 20:9

Sampe eo haitu dopa muni nisanira patuju ntesa nitulisi riara Buku Gasa nggaulu anu nanguli i Yesus kana matuvu mpanjili lako ri kamateNa.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Lukas 1:37

Pura-pura anu niuliku ka iko kana majadi, apa ledo ria tesa nu Alatala ledo madupa.”

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Suro-Suro 26:8

Nakuya sampesuvuku toYahudi ledo nompakule nomparasaya Alatala mompakatuvu mpanjili tona namate?

Matius 22:28

Jadi tempo bara maipiapa, ane tona namate matuvu mpanjili, mombine haitu majadi berei isema, apa ia nipobereira pura-pura?”

Markus 12:24

Nesanamo i Yesus, <

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.