Matius 22:22 - Kaili Ledo

²² Nangepe pesana i Yesus haitu, nokumaa mpuumo ira. Jadi kaupuna nalaimo ira.

Matius 22:22 Referans Kwoze

Markus 12:12

Naupu haitu, pakeni ntoYahudi nompasimbuku mombasaka i Yesus, sabana nisanira iramo nipambela ri porapaNa pangane. Tapi naeka ira ka todea. Jadi nalaimo ira.

Kolose 4:6

Ane komiu motesa nte ira, tesa-tesamiu kana malusu bo marasa raepe. Kana rasanimiu munimo cara masipato mesanaka pompekutanara.

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Matius 22:46

Ledo ria saitoa tona namala nompesanaka i Yesus. Bo nompamula lako ri eo haitu, domo naria tona nabia nombaopa tesaNa.

Matius 22:33

Nangepe pesana i Yesus haitu, nokumaamo todea ka pepatudukiNa.

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Matius 8:10

Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!