Matius 22:21 - Kaili Ledo

²¹ Nesana ira, “Lenje bo sanga Magau Mbaso Kaisar.” Jadi nanguli i Yesus ka ira, “Ane ivesia, dekei ka Magau Mbaso anu masipato radekei ka Magau Mbaso, bo dekei ka Alatala anu masipato radekei ka Alatala!”

Matius 22:21 Referans Kwoze

Roma 13:7

Dekei ka pura-pura tona anu masipato radekei ka ira. Bayarimo balasitee ka tona nipakatantu mantarima balasitee. Bo bayarimo bea ka tona nipakatantu mantarima bea. Pekoumo nte tona anu masipato rapekou, bo bilamo tona masipato rabila.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

Matius 22:37

Nesana i Yesus, “Potovemo Alatala Tupumiu ante mpuu-mpuu raramiu, ante pura-pura noto mpekirimiu, bo ante pura-pura pokainggumiu.

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Suro-Suro 5:29

Nesana i Petrus bo suro-suro ntanina, “Kami kana mangoseaka parenta nu Alatala, bo ledo parenta nu manusia.

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Matius 22:20

Nekutana i Yesus, “Lenje bo sanga isema nigambara ri doi hitu?”

Markus 12:17

Pade nanguli i Yesus ka ira, <> Nokumaa mpuumo ira nangepe pesanaNa.

Lukas 20:25

Nanguli i Yesus ka ira, “Ane ivesia, dekeimo ka Magau Kaisar anu masipato radekei ka Magau Kaisar, bo dekeimo ka Alatala anu masipato radekei ka Alatala.”