Matius 22:17 - Kaili Ledo

¹⁷ Jadi uli ka kami panggavaMiu. Nangoseaka Atura-atura agamata, masipato kita mombabayari balasitee ka Magau Mbaso Kaisar atau ledo?”

Matius 22:17 Referans Kwoze

Lukas 2:1

Tempo haitu Magau Mbaso Kaisar Agustus nomparenta ala pura-pura sanga ntona riara poparentana ratulisi riara buku sensus ri ngata ntotuara mboto.

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Suro-Suro 28:22

Tapi kami madota mangepe komiu motesa anu niparasayamiu, sabana nisani kami, ri umba-umba nisalai ntona pepatuduki nioseakamiu tutu.”

Suro-Suro 25:8

Naupu ira nompangadu ia ivesia, i Paulus nanjaliku karona. Niulina, “Yaku hii ledo novia anu nadaa. Yaku ledo nombaliunaka Atura-atura agama Yahudi, bo ledo muni nompakaruto Banua nu Alatala. Ledo muni niliunakaku parenta Magau Mbaso.”

Suro-Suro 17:7

I Yason hitu nantarima ira ri banuana. Pura-pura ira topomparasaya nombaliunaka atura-atura nipakatantu Magau Mbaso Roma, apa niulira da nariapa magau ntanina nosanga i Yesus.”

Suro-Suro 5:37

Naupu haitu, tempo nitulisi pura-pura sanga ntona riara buku sensus, neumba munimo i Yudas, tona lako ri bagia Galilea. Ia muni nompadidi todea nangoseaka ia. Tapi ia muni nipatesi bo pura-pura topangoseaka ia muni nagaro.

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Matius 22:18

Tapi nisani i Yesusmo patujura nadaa. Haitu sampe niuliNa, “Komiu tobelo ri sumba! Nakuya komiu nompasimbuku mombaopa tesaKu?

Lukas 20:22

Jadi, uli ka kami: nantuntuni atura-atura agamata, masipato kita mombabayari balasitee ka Magau Mbaso Kaisar atau ledo?”