Matius 21:9 - Kaili Ledo

⁹ Bo todea ri kolu i Yesus ante topetuntuni ri puri nongare-ngare, “Hosana! Ratoiyamo Muli Magau Daud! Maoge belo ka Magau anu nakava niposumba nu Alatala! Ratoiyamo Alatala ri suruga!” Mazmur 118:25-26

Matius 21:9 Referans Kwoze

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Matius 23:39

Kuuli ka komiu, domo rakitamiu Yaku sampe makava tempona komiu manguli, ‘Maoge belo ka Ia anu nakava niposumba nu Alatala!’”

Matius 21:15

Tapi balengga-balengga ntopanggeni pesomba bo guru-guru agama naraumo rarara nanggita kabaraka-kabaraka nipovia i Yesus. Bo nagigimo rarara nangepe ngana-ngana ri Banua nu Alatala nongare-ngare, “Hosana! Ratoiyamo Muli Magau Daud!”

Matius 9:27

Tempo i Yesus nompapola polipaNa, naria randua toburo nantuntuni Ia bo nongare-ngare, “Muli Magau Daud! Poasimo kami!”

Matius 21:10

Tempo i Yesus nesua ri ngata Yerusalem, nagado puramo tona ri sia. Ira nosimpekutana-tanamo, “Isema tano tona hitu?”

Lukas 13:35

Sabana haitu, Banua nu Alatala rapalaikaNa. Kuuli ka komiu, domo rakitamiu Yaku sampe makava tempona komiu manguli, ‘Maoge belo ka Ia anu nakava niposumba nu Alatala!’”